Төлөй нэһилиэгэ МТ дьаһалтатын иккис төгүлүн талыллыбыт баһылыга Игорь Владимирович Николаев инаугурацията буолан ааста. Үөрүүлээх чааска кыттыыны ыллылар: Чурапчы улууһун Аҕа баһылыга Саргыдаев Степан Анатольевич, Захаров Дмитрий Егорович Төлөй-Мугудай уокуругун депутата, Аммосов Иннокентий Николаевич, Гуляев Михаил Дмитриевич; Чурапчы, Чыаппара, Мугудай, Хатылы, Бахсы нэһилиэктэрин баһылыктара.

Иккис төгүлүн нэһилиэк итэҕэлин ылбыт Игорь Владимировичка Төлөй ыҥырыылаах сэбиэтин депутаттара, тэрилтэлэрин уонна түмсүүлэрин салайааччылара өйөбүл буолалларын биллэрдилэр. Төлөй нэһилиэгэ түмсүүнэн күүстээх, инникигэ сайдыы суолун батыһар.