Төлөй орто оскуолатыгар тустуу зала 2000 сыллаахха Республикатааҕы “Үтүө дьыала” хамсааһыҥҥа сөп түбэһиннэрэн Егор Егорович, Татьяна Афанасьевна Адамовтар дьиэ кэргэн ыҥырыы таһааран нэһилиэккэ тустуу залын тутан бэлэхтээбиттэрэ. Зал үлэҕэ киирэн оскуолабытыгар Чурапчытааҕы Д.П. Коркин аатынан спортивнай оскуола филиала арыллан республика араас муннугуттан оҕолор үөрэнэ кэлбиттэрэ. 2017 сыллаахха бу тутуу таас оскуола, интернат аттыгар көһөрүллүбүтэ.

Атырдьах ыйын 30 күнүгэр «Образования» проект чэрчитинэн, «Успех каждого ребенка» национальнай проект иһинэн,  Төлөй орто  оскуолатын спортивнай тустуу саала перепрофилирование программа сөп түбэһиннэрэн, иккистээн тыын ылан, үлэҕэ киирдэ. Онтон бала5ан ыйын 6 кунугэр тустуу саалабытыгар пристрой эбии тутуллан, благоустройствота  ситэриллэн –хоторуллан, элбэх ыалдьыт тумсэн алгыс түһэриллиннэ. Бу тутууну, Жергин Бэргэн Николаевич биригээдэтэ аукционна кыайан  үлэҕэ киллэрдэ. Аныгы олох тэтимигэр  эппиэттиир о5о сынньанар,  эт хаан өттүнэн дьарыктанар тустуу залата үөрүүлээх аһыллыытыгар улуус баһылыга Саргыдаев А.С., оскуола попечителлэрэ, биир дойдулаахтарбыт Гуляев М.Д., Аммосов И.Н., Республикатааҕы “Үтүө дьыала” бастакы салайааччыта Бочкарев И.В. ыалдьыттаатылар.

Зал кэскиллээх кэлэр ыччаттарга сайдыыны кэрэһэлээтин, спорт үрдүк чыпчаалларын дабайалларыгар күүһү-уоҕу түстүүр олук буоллун!