Ханнык баҕарар тыа сирин нэһилиэгин килбэйэр киининэн, дьону тумэр, сырдыкка кэрэҕэ угуйар уонна иллэн кэми туһалаахтык атаарар сиринэн норуот айымньытын дьиэтэ буолар.

 Төлөй нэһилиэгин норуот айымньытын дьиэтэ ыытар үлэлэрэ республикаҕа бастыннар кэккэлэригэр киирэн 2022 сыл ыам ыйыгар ыытыллыбыт Республиканскай “Благоприятные креативные условия в сельской местности» форум Төлөйге ыытыллыбыта туоһулуур диэтэхпитинэ сыыспаппыт буолуо. 2021 сылга олохтоох библиотека 5 мөлүйүөннээх Федеральнай грант ылары ситиспитэ. Билигин норуот айымньытын дьиэтин иһигэр: бильярд, теннис, “Чэбдик” фитнес хоһо, “Дабаан” коворкинг хоһо, “Сандалы” библио-кафе, «Харысхал» оҕолорго аналлаах хос, «Дьүрүһүй» зал-трансформер, компьютернай зона,  мини-музей,  “Кэм кэрдииһинньигэ» нэһилиэк историятын сырдатар галерея тигинэччи үлэлии тураллар. Күннэтэ иллэҥ кэмин атаарар, сынньанар, үүнэр, бары хайысханан сайдар сирбит буоларын өйдөөн, норуот аймньытын дьиэтэ уонна саҥа көлүөнэ библиотеката оруола улаханын  сыаналаан, олохтоох көҕүлээһини өйүүр программаҕа норуот аймньытын дьиэтин ититиигэ 100% куолас биэрбиттэрэ кэрэхсэбиллээх суол буолар.